धनकुटामा विद्यालय बस दुर्घटना हुँदा चालकसहित २९ जना घाइते भएका छन् ।

आइतबार धनकुटा नगरपालिका वडा नं.७ रमाइलो घुम्तीमा सुनसरीको रामधुनीबाट तेह्रथुमको शैक्षिक भ्रमणमा पुगेर फर्कदै गरेको को १ ख ५३१३ नम्बरको बस अनियन्त्रित भई सडक डिलमा पल्टेर दुर्घटना भएको हो ।

Advertisement

सुनसरीको रामधुनी-५ पिङ्क लोटस इङलिस स्कुलको बस दुर्घटना हुँदा बस चालक सुनसरीको झुम्का घर भएका ६० वर्षका भुवन चौधरीसहित २९ जना घाइते भएको प्रहरी जनाएको छ ।

बसमा २२ छात्रा र १४ छात्र गरी ३६ विद्यार्थी, तीन जना शिक्षक र चालक तथा सहचालक गरी ४१ जना सवार रहेका थिए । घाइतेहरूको जिल्ला अस्पताल धनकुटामा उपचार भइरहेको धनकुटाका प्रहरी उपरीक्षक शरतकुमार थापा क्षेत्रीले जानकारी दिए ।