महिलाको स्वास्थ्य प्रवद्र्धन तथा खेलकुद क्षेत्रमा सहभागिता बढाउने उद्देश्यसहित झापाको बिर्तामोडमा ‘क्लव सेभेन फिटनेस हब’ सञ्चालनमा आएको छ ।
बिर्तामोड नगरपालिका-४ स्थित पुरानो गोमेन्द्र कलेज भवनको पहिलो तलामा स्थापना गरिएको फिटनेस हबको एक कार्यक्रमका बीच उद्घाटन गरिएको हो ।
विभिन्न पेसा तथा व्यवसायमा आबद्ध सात जना सञ्चालकको सामूहिक पहलमा स्थापना गरिएको फिटनेस हबमा आधुनिक व्यायाम उपकरण तथा आवश्यक सुविधाको व्यवस्था गरिएको छ । महिलालाई विशेष प्राथमिकता दिँदै सञ्चालनमा ल्याइएको यस केन्द्रले शारीरिक स्वास्थ्यप्रति सचेतना अभिवृद्धि गर्नुका साथै खेलकुद क्षेत्रमा महिलाको सहभागिता, क्षमता विकास र अवसर विस्तारमा योगदान पु¥याउने लक्ष्य राखेको छ ।
क्लवकी सदस्य गीता ढकाल खनालको अध्यक्षतामा सम्पन्न उद्घाटन कार्यक्रममा अन्तर्राष्ट्रिय फिटनेस प्रतियोगितामा सहभागी खेलाडी रिपु घर्ती मगर प्रमुख अतिथि तथा बिर्तामोड नगरपालिका-४ का वडाध्यक्ष राहुल शर्मा विशिष्ट अतिथिका रूपमा उपस्थित थिए । उनीहरूले संयुक्त रूपमा फिटनेस हबको उद्घाटन गरेका हुन् ।
कार्यक्रममा बोल्दै अध्यक्ष खनालले पूर्वजहरूले आर्जन गरेको संरचना लामो समयदेखि प्रयोगविहीन अवस्थामा रहेकामा त्यसलाई सामाजिक तथा स्वास्थ्यसम्बन्धी गतिविधिमा उपयोग गर्न पाउँदा खुसी लागेको बताइन् ।
वडाध्यक्ष शर्माले खनाल परिवारले शिक्षा तथा खेलकुद क्षेत्रमा पु¥याउँदै आएको योगदानको प्रशंसा गरे । स्थानीयस्तरमा स्वास्थ्य र खेलकुदसम्बन्धी गतिविधि विस्तार गर्न निजी तथा सामूहिक पहलबाट स्थापना हुने यस्ता संस्थाले महत्वपूर्ण भूमिका खेल्ने उनले बताए ।
त्यस्तै बिर्तामोड उद्योग वाणिज्य सङ्घका अध्यक्ष राजु न्यौपानेले खेलकुदका विभिन्न विधा मानव स्वास्थ्यका लागि महत्वपूर्ण रहेको उल्लेख गरेका थिए ।
शिक्षासेवी तथा सञ्चालकमध्येका उत्तम खनालले स्वागत मन्तव्य राख्दै फिटनेस हब स्थापनाको उद्देश्य र औचित्यमाथि प्रकाश पारेको उद्घाटन कार्यक्रममा चैतन्य मैनाली, कुमार भट्टराई, दीपेन्द्र राउत, सरु भुर्तेल, सरिता बराल, पारस बिमली, उपेन्द्र ओली, इन्द्रप्रसाद ओली, दीपक दाहाल, रविन शर्मा, ईश्वर खनाल, तुलसा ढकाल र योगेन्द्र श्रेष्ठलगायतको उपस्थिति रहेको थियो ।
महिलालाई प्राथमिकतामा राखेर स्थापना गरिएको क्लव सेभेन फिटनेस हबले स्थानीयस्तरमा नियमित व्यायाम गर्ने संस्कृतिको विकास, स्वस्थ जीवनशैली प्रवद्र्धन तथा खेलकुद क्षेत्रमा महिलाको सहभागिता विस्तारमा सहयोग पु¥याउने अपेक्षा गरिएको छ ।
