नेपाल उद्योग तथा व्यवसायी महासंघ बिर्तामोड नगर कमिटीले रक्तदान गरेको छ ।

झापामा रगतको अभाव बढ्दै गइरहेका बेला महासंको नगर कमिटीले शुक्रबार झापाको बिर्तामोडमा रक्तदान आयोजना गरेको हो ।

Advertisement

नेपाल रेडकस सोसाइटीको प्राविधिक सहयोगमा आयोजना गरिएको रक्तदानमा ४२ जनाले रगत दान गरेका छन् ।

तुलनात्मक रूपमा रक्तदानका कार्यक्रम कम भइरहेका बेला रगतको बढ्दो अभाव टार्न रक्तदान कार्यक्रम आयोजना गरिएको नेपाल उद्योग तथा व्यवसायी महासंघ बिर्तामोड नगर कमिटीका अध्यक्ष युवराज निरौलाले बताए ।

बिर्तामोड नगरपालिकाकी प्रमुख पवित्रा महतारा प्रसाईको प्रमुख आतिथ्यमा आयोजित समारोहका बीच रक्तदान कार्यक्रमको उद्घाटन गरिएको थियो ।