झापाको मेचीनगरमा अवस्थित प्रगतिशील युवा क्लबले दशैँ विशेष कार्यक्रम सम्पन्न गरेको छ ।
संस्थाका अध्यक्ष विशाल कार्कीको अध्यक्षतामा भएको कार्यक्रममा उपस्थित सम्पूर्णलाई टीका लगाइदिनुका साथै दक्षिणासहित सुख, समृद्धि एवम् उत्तरोत्तर प्रगतिको कामना समेत प्रकट गरिएको थियो ।
उक्त अवसरमा दशैँको शुभकामना साटासाट गर्नुका साथै नृत्य समेत प्रस्तुत गरिएको थियो ।
कार्यक्रममा सल्लाहकार समितिका संयोजक अनिल पौडेल, सल्लाहकार सदस्य रोश्नी खनाल, मेनुका बजगाईं, पत्रकार उमेश खतिवडा, क्लबका सदस्य अंकित खनाल, दिप्शिका खरेल, बाल सदस्य अरुण खनाल लगायतले शुभकामना मन्तव्य राखेका थिए ।
क्लबका कोषाध्यक्ष सुजन घिमिरेले मन्तव्यबाट स्वागत गरेको कार्यक्रमको सञ्चालन सचिव करुणा पोखरेलले गरेकी थिइन् ।
यसअघि संस्थाले असोज ९ र १० गते वडाका विभिन्न स्थानमा सरसफाई गर्नुका साथै डस्बिन राखेको थियो ।
