भारतको लद्दाखमा राज्यको माग गर्दै प्रदर्शन चर्किएको छ ।

लद्दाखलाई स्वायत्त राज्य कायम गर्नुपर्ने माग गर्दै सडकमा उत्रिएका युवा प्रदर्शनकारी र प्रहरीबीच झडप भएको हो ।

Advertisement

झडपका क्रममा कम्तीमा चार जनाको मृत्यु हुनुका साथै ७० जना घाइते भएका इन्डिया टूडेले उल्लेख गरेको छ ।

झडपपछि आक्रोशित प्रदर्शनकारीले आगजनी र तोडफोड गर्न थालेको भारतीय सञ्चारमाध्यमहरूले जनाएका छन् । प्रदर्शनकारीले बुधबार लेह लद्दाखमा रहेको सत्तारुढ भारतीय जनता पार्टी (भाजपा)को कार्यालयमा आगजनी गरेका छन् ।

प्रदर्शनकारीले एउटा गाडीमा समेत आगजनी गरेको अधिकारीहरूलाई बताएका छन् । हिंसा नियन्त्रणमा लिन प्रहरीले अश्रु ग्यास र लाठिचार्ज गरेको थियो ।