मोटरबाट सिंचाई गर्दा झापाको गौरादहमा करेन्ट लागेर एक महिलाको मृत्यु भएको छ ।

गएराति गौरादह नगरपालिका-४ जोरघरे बस्ने स्वर्गीय ललित नेम्वाङकी श्रीमती ५४ वर्षीया चन्द्रमाया नेम्वाङ आफ्नै घरदेखि १० मिटर पूर्वोत्तरमा रहेको मोटरबाट खेतमा सिँचाई गर्ने क्रममा उनलाई अचानक करेन्ट लागेको थियो । घटनास्थलमै मृत्यु भई लडिरहेको अवस्थामा उनका छोरा २५ वर्षीय सुशील नेम्वाङले देखेर शव घरमा ल्याई राखेका थिए ।

Advertisement

इलाका प्रहरी कार्यालय दमकबाट प्रहरी अधिकृत टोली खटिएर अनुसन्धान भइरहेको जिल्ला प्रहरी कार्यालय झापाले जनाएको छ ।