अध्यागमन विभागले अबदेखि कुनै पनि नेपाली नागरिकलाई अनुमान, शङ्का वा हैसियतका आधारमा विदेश जान नरोकिने प्रतिबद्धता व्यक्त गरेको छ ।

आज पत्रकार सम्मेलन आयोजना गरेर विभागका महानिर्देशक रामचन्द्र तिवारीले शङ्का वा हैसियतका आधारमा नरोकिने प्रतिबद्धता व्यक्त गरेका हुन् ।

Advertisement

महानिर्देशक तिवारीले यात्रामा जानुअघि वैध राहदानी, भिसा, दुईतर्फी हवाई टिकट, होटल बुकिङ वा आफन्तसँग बस्ने प्रमाण, डलर सटही र आवश्यक कागजात अनिवार्य रूपमा लिन यात्रुहरूलाई अनुरोध समेत गरेका छन् ।

दलालको प्रलोभनमा परी अवैधानिक बाटोबाट विदेश नजान र अध्यागमन प्रक्रियामा रकम मागिएमा तुरुन्तै विभाग, प्रहरी वा अख्तियार दुरुपयोग अनुसन्धान आयोगलाई जानकारी दिन उनले आग्रह गरेका हुन् ।