झापाको बिर्तामोड नगरपालिकाका नगर उपप्रमुख नगेन्द्रप्रसाद संग्रौला र वडाध्यक्ष अजय कार्कीबीचको सामाजिक सञ्जाल फेसबुकको विवादलाई लिएर राजनीतिक दलहरु आक्रोशित भएका छन् ।
राष्ट्रिय प्रजातन्त्र पार्टी, नेकपा माओवादी केन्द्र र राष्ट्रिय स्वतन्त्र पार्टीले उपप्रमुख संग्रौलालाई कार्वाहीको मागसहित नगरपालिका कार्यालय अगाडि नारा जुलुस गरिरहेका छन् ।
बाक्लो संख्यामा रहेका प्रहरीले उनीहरुलाई नगरपालिका गेटभित्र प्रवेश गर्न दिएको छैन । भित्र प्रवेश गर्न नपाएपछि गेट बाहिर उनीहरुले नारा जुलुस र कोणसभा गरेका छन् ।
बिर्तामोड-३ को नवदुर्गा मन्दिर परिसरमा भेला भई राप्रपा बिर्तामोड नगर अध्यक्ष लक्ष्मी गौतमको नेतृत्वमा उपस्थिति समूहले विरोध र्याली निकाली नगरपालिका परिसरमा पुगेर नाराबाजी गरेका थिए ।
‘सामाजिक संजालको दुरुपयोग बन्द गर, बिर्तामोडका अराजक उपमेयरलाई कारबाही गर, अराजक उपमेयर मुर्दाबाद, सत्ताको आडमा गरिने गुण्डागर्दी बन्द गर ’ जस्ता नारा लगाएका थिए ।
