सि.के.चिन्तन प्रतिष्ठान झापाले टिकाप्रसाद प्रसाईलाई अध्यक्षमा पुन: सर्वसम्मत चयन गरेको छ । प्रतिष्ठानको साधारणसभाले प्रसाईको नेतृत्वमा नयाँ समिति गठन गरेको हो ।
गठित समितिको उपाध्यक्षमा सजेश शिवाकोटी, महासचिवमा इन्दु पूर्वेली, सचिवमा खगेन्द्र प्रसाई र कोषाध्यक्षमा कञ्चना ढकाल सिटौलालाई चयन गरेको हो ।
त्यस्तै सदस्यहरुमा खगेन्द्रविक्रम नेम्बाङ, कोशी राई, लीलादेवी मैनाली, भीमप्रसाद राजवंशी, बडाराम हेमरम, नेत्रप्रसाद विमली, विष्णुप्रसाद खरेल र पार्वतादेवी खरेल चयन भएका छन् ।
प्रतिष्ठानका अध्यक्ष टिकाप्रसाद प्रसाईको सभापतित्वमा भएको कार्यक्रममा प्रमुख अतिथि सुधिरकुमार शिवाकोटी, नेपाली कांग्रेस महासमिति सदस्य सिता पौडेल, कांग्रेस झापाका सचिव कृष्ण हुमागाई, कांग्रेस झापाका कोषाध्यक्ष जलकुमार गुरुङ, २ नम्बर क्षेत्रीय सभापति खगेन्द्र मैनाली लगायतले मन्तव्य राखेका थिए ।
प्रतिष्ठानका उपाध्यक्ष कुमार भट्टराईले मन्तव्यबाट स्वागत गरेको कार्यक्रमको सञ्चालन सचिव इन्दु पूर्वेलीले गरेकी थिइन् ।
