चारआली जेसीजको आयोजनामा प्रकरण गोष्ठी (नेतृत्वमा जोस, उद्देश्यपूर्ण नेतृत्व) कार्यक्रम सम्पन्न भएको छ ।
जेसीजले शनिबार धुलाबारीमा अवस्थित टाउनहलमा उक्त कार्यक्रमको आयोजना गरेको हो ।
प्रतिनिधि सभाका उपसभामुख इन्दिरा रानाको प्रमुख आतिथ्यतामा भएको कार्यक्रमको वक्ताहरुमा प्रतिनिधि सभाका सदस्यहरु योगेश भट्टराई, नेपाल जेसीजका वर्ष २०१८ का राष्ट्रिय अध्यक्ष श्रीधर बस्याल तथा हिमालयन टेलिभिजनका प्रधान सम्पादक तथा यक्ष प्रश्नका प्रस्तोता राजेन्द्र बानियाँ रहेका थिए ।
चारआली जेसीज वर्ष २०२५ को समितिले तयार गरेको चारआली जेसीजको अफिसियल वेभसाईट लन्च गरेर तथा पानसमा दिप प्रज्वलन गरेर प्रमुख अतिथि उपसभामुख रानाले कार्यक्रम उद्घाटन गरेकी थिइन् ।
चारआली जेसीज वर्ष २०२५ का शाखा अध्यक्ष जेसी सुजुप सुवेदीको अध्यक्षतामा भएको कार्यक्रममा प्रमुख अतिथि उपसभामुख राना, चारआली जेसीजको मात्रि शाखा धुलावारी जेसीज वर्ष २०२५ का शाखा अध्यक्ष डिल्लीराम भण्डारी, चारआली जेसीजका संस्थापक अध्यक्ष विष्णुप्रसाद रिमाल, चारआली जेसीजका लागी निरुपित नेपाल जेसीज वर्ष २०२५ का राष्ट्रिय उपाध्यक्ष जेसी राघभ कोइराला, नेपाल जेसीज वर्ष २०२५ का सामुदायिक क्षेत्रका कार्यकारिणी उपाध्यक्ष कृष्ण सापकोटा, क्षेत्र ‘क’ का लागी निरुपित राष्ट्रिय कार्यकारिणी उपाध्यक्ष गणेश सापकोटा लगायतले शुभकामना मन्तव्य राखेका थिए ।
चारआली जेसीजका अध्यक्ष सुवेदीले कार्यपत्र प्रस्तुत गरेको कार्यक्रममा प्रकरण माथि टिकाटिप्पणी तीन जना वक्ताहरुले गरेका थिए ।
उक्त अवसरमा विभिन्न संघसंस्थाका प्रमुख तथा प्रतिनिधि, विभिन्न जेसीजका अभियन्ताहरु, विभिन्न स्कुल तथा कलेजका विद्यार्थी, राजनितिज्ञ, विभिन्न शाखाका शाखा अध्यक्ष, पूर्व अध्यक्ष, वर्तमान राष्ट्रिय पदाधिकारी तथा पूर्व राष्ट्रिय पदाधिकारीसहित बुद्धिजिवी गरी ५०० भन्दा बढीको सहभागीता रहेको थियो ।
कार्यक्रम संयोजक नविन खतिवडाले कार्यक्रमको औचीत्य माथि प्रकाश पारेको कार्यक्रममा आस्था पाठ तथा जेसीज मिसन भिजन वाचन चारआली जेसीज वर्ष २०२५ का कार्यकारिणी उपाध्यक्ष उत्सव भट्टराईले गरेका थिए ।
कार्यक्रमको उद्घाटन सत्रको सञ्चालन चारआली जेसीज वर्ष २०१९ का शाखा अध्यक्ष तथा चारआली जेसीज वर्ष २०२५ का प्रमुख बोर्ड सल्लाहकार उत्तमप्रसाद पकुवाल तथा दोस्रो सत्र प्रकरण गोष्ठी कार्यक्रमको सञ्चालन चारआली जेसीज वर्ष २०१८ का शाखा अध्यक्ष रोहित दाहालले गरेका थिए ।
कंगारु एजुकेशन फाउण्डेशन बिर्तामोड शाखा मुख्य प्रायोजको रहेको कार्यक्रममा सह-प्रायोजकको रुपमा ऋतीका डेरी उद्योग धाइजन, सिंगापुर बेभरेज नेपाल प्रा.लि मेचीनगर १४, बिएण्डसी मेडीकल कलेज बिर्तामोड र कञ्चनजंगा ईन्ष्टियुट अफ हेल्थ एण्ड साइन्स बिर्तामोड रहेका थिए ।
