वैदेशिक रोजगार व्यवसायी संघ झापाको प्रथम अधिवेशनबाट अध्यक्ष र सह-सचिव निर्बिरोध निर्वाचित भएपनि अन्य पदहरुमा सहमति नजुटेपछि शनिवार बिर्तामोड निर्वाचन सम्पन्न भएको छ ।
गत बैशाख २६ गते बिर्तामोडमा भएको प्रथम अधिवेशनबाट अध्यक्षमा धनबहादुर पंधाक र सह-सचिवमा सरिता बराल निर्विरोध निर्वाचित भएका थिए । तर अन्य पदका लागि भने निर्वाचन भएको हो ।
निर्वाचनपछि भएको मत गणनाको अन्तिम मत परिणाम अनुसार प्रथम उपाध्यक्षमा राजन सिलवाल ७७ मत र द्धितीय उपाध्यक्षमा ४७ मत प्राप्त गर्दै प्रकाश राई निर्वाचित भएका छन् ।
त्यस्तै सचिवमा ५६ मत प्राप्त गर्दै निरकुमार खत्री निर्वाचित भएका छन् भने कोषाध्यक्षमा कृष्ण खतिवडाले ७४ मत प्राप्त गर्दै निर्वाचित भएका छन् ।
यसैगरी सदस्यमा पुष्पराज प्रसाई ८२, टंक सिटौला ७६, ओमप्रकाश भट्टराई ७२, देबेन्द्रप्रसाद प्रसाई ७१, राजेन्द्र पौडेल ६७, प्रेम निरौला ६३, कृष्णमाया तामाङ (कुसुम) ६१, लुमनकुमारी निरौला ५४, दुर्गादेबी सुब्वा लिम्बु र हितेश अग्रवालले बराबर मत प्राप्त गरेका छन् ।
उनीहरुले ४६/४६ मत प्राप्त गरेका हुन् । ४ बर्ष कार्यकाल रहेको संघमा पहिलो २ बर्ष दुर्गादेबीले र दोस्रो २ बर्ष अग्रवालले कार्य सम्पादन गर्ने सहमति भएको निर्वाचन समितिले जनाएको छ ।
गोपाल लामिछाने संयोजक रहेको निर्वाचन समितिमा एकराज गिरी र अधिवत्ता खगेन्द्र खरेल सदस्य रहेका थिए । सपथ ग्रहण, पद हस्तान्तरण र प्रमाणपत्र वितरण केही दिनमा गरिने निर्वाचन समितिले जनाएको छ ।
