बिर्तामोडमा ९० जनाले एकैदिन मरणोप्रान्त आँखा दान गरेका छन् ।
मेची आँखा अस्पतालको प्राविधिक सहयोगमा आज साँची ग्रुपले आयोजना गरेको ‘आँखा दान किन र के का लागि’ भन्ने अभिमुखिकरण कार्यक्रमका बीच आँखा दान गरेका हुन् ।
आँखा दान कार्यक्रमका संयोजक पुष्कर अधिकारीले कसैले पुनर्जिवन पाउने भएकाले निर्धक्क भएर आँखा दान गर्न सबैलाई आग्रह गरेका थिए ।
कार्यक्रममा बाल्दै ग्रुपका केन्द्रीय अध्यक्ष सहदेव प्रधान संजिवले साँची ग्रुपले विदेश पलायन हुँदै गरेका युवाहरुलाई स्वदेशमै केहि गर्न सकिन्छ भन्ने सन्देश दिएको बताए ।
उनले आउँदा दिनमा पनि साँचीले समाज परिवर्तन लक्षित विभिन्न कार्यक्रम सञ्चालन गर्दै लैजाने बताएका छन् ।
यस्तै कार्यक्रममा बोल्दै आँखा अस्पतालकी परामर्शदाता प्रभा खनालले साँची ग्रुपको यस अभियानले अरुलाई पनि प्रेरणा मिल्ने बताइन् ।
ग्रुपका सञ्चालक स्व.आलोक तिम्सिनाको सपना साकार पार्न आँखा दान कार्यक्रमको आयोजना गरिएको जनाइएको छ ।
उक्त अवसरमा आँखा दान गर्ने सबै जनालाई प्रमाण पत्र प्रदान गरीएको छ ।
