तेह्रथुमको प्रतिष्ठित शैक्षिक संस्था म्याङलुङ क्याम्पसले व्यवस्थापन, शिक्षाशास्त्र र व्यावसायिक अभ्यासमा अनुभव भएका डा.धर्मेन्द्र कुमार शाहलाई अनुसन्धान प्राध्यापकको रूपमा नियुक्त गरेको छ ।
क्याम्पसले डा.शाहलाई अनुसन्धान प्राध्यापकको रूपमा नियुक्त गरेपछि सर्वत्र प्रशंसा भएको छ । उनको नियुक्तिलाई लिएर सरकारवाला र स्थानीय समुदायले प्रशंसा गरेका हुन् ।
व्यवस्थापन शिक्षामा लामो अनुभव र अनुसन्धान तथा व्यावसायिक जोडले क्याम्पसको अध्ययनक्रम, अनुसन्धान र सामुदायिक प्रतिबद्धतामा नयाँ उचाइ प्रदान गर्ने क्याम्पस प्रशासनले अपेक्षा गरेको छ ।
क्याम्पस प्रमुख प्रकाश ढुंगानाले डा.शाहको व्यापक शैक्षिक र व्यावसायिक पृष्ठभूमिलाई जोडदार आत्मविश्वासका साथ स्वागत गरिएको बताए ।
क्याम्पसका पदाधिकारीहरूले डा.शाहलाई नियुक्त गर्दा उच्च आशा व्यक्त गर्दै भने “हामीले गुणस्तरीय अनुसन्धान र शिक्षणमा ठोस सुधारको लक्ष्य लिएका छौं । डा.शाहजस्ता अनुभवी व्यक्तित्वले शिक्षक, विद्यार्थी र कर्मचारीसँग मिलेर क्याम्पसलाई अनुसन्धानमैत्री तथा समाजमुखी शैक्षिक संस्थामा रूपान्तरण गर्नेछन् भन्ने विश्वास छ ।”
क्याम्पसमा नवनियुक्त प्राध्यापक डा.धर्मेन्द्र कुमार शाहले क्याम्पसमा अनुसन्धान र शिक्षणको स्तर उकास्नका लागि शिक्षक, विद्यार्थी र कर्मचारीबीच सहकार्य, क्षमता अभिवृद्धि र स्थानीय समुदायसँग समन्वय आवश्यक पर्नेमा जोड दिए ।
डा.शाहले भने “म क्याम्पसका सबै सरोकारवालासँग मिलेर अभ्यासमैत्री अनुसन्धान, गुणस्तरीय पढाइ र समाजोपयोगी अध्ययनलाई अगाडि बढाउने छु । हाम्रो लक्ष्य विद्यार्थीलाई सिर्जनशील सोच र व्यावहारिक दक्षता दिनेछ ।”
त्यस्तै स्थानीय शैक्षिक सञ्जाल र विद्यार्थी समुदायले पनि डा.शाहको नियुक्तिलाई सकारात्मक संकेतका रूपमा हेर्नुका साथै निकट भविष्यमा क्याम्पसले आयोजना गर्न सक्ने नयाँ अनुसन्धान परियोजना, कार्यशाला तथा अन्तरसंस्थागत सहकार्यका पहलहरूमा उत्साह थपिएको छ ।
क्याम्पसले आगामी महिनाहरूमा अनुसन्धान संरचना सुदृढ गर्ने, फ्याकल्टी विकास कार्यक्रम सञ्चालन गर्ने र विद्यार्थी संलग्न परियोजनाहरू सुरु गर्ने योजना सार्वजनिक गरेको छ । यी पहलहरूले तेह्रथुम क्षेत्रको शैक्षिक वातावरणमा दीर्घकालीन सकारात्मक प्रभाव पार्ने क्याम्पस नेतृत्वको विश्वास छ ।
