ओमानमा हुने आईसीसी क्रिकेट विश्वकप लिग-२ अन्तर्गतको त्रिदेशीय शृङ्खलाका लागि सन्दीप लामिछानेको कप्तानीमा १५ सदस्यीय नेपाली टोली घोषणा गरिएको छ ।

नेपाल क्रिकेट संघ (क्यान) ले आज घोषणा गरेको टोलीमा ओपनिङ ब्याटर कुशल भुर्तेल, तीव्र गतिका बलर सोमपाल कामी र हेमन्त धामीलाई समावेश गरिएको छैन ।

Advertisement

टोलीमा कप्तान लामिछानेसहित आसिफ शेख, दीपेन्द्रसिंह ऐरी, देव खनाल, इशान पाण्डे, रोहित पौडेल, सन्दीप जोरा, गुलशन झा, बासिर अहमद, ललित राजवंशी, शाहब आलम, शेर मल्ल, आसिफ शेख, अर्जुन कुमाल, करण केसी र नन्दन यादव रहेका छन् ।

विश्वकप लिग-२ अन्तर्गतको शृङ्खला यही असोज २१ गतेदेखि ओमानमा सुरु हुनेछ । शृङ्खलामा आयोजक ओमानसँगै नेपाल र क्यानडाले प्रतिस्पर्धा गर्नेछन् ।