सुरूङ्गा प्रेस क्लबको अध्यक्षमा लीलाराज खड्का (झापाली) सर्वसम्मत चयन भएका छन् ।
सुरुङ्गामा शुक्रबार भएको क्लबको पाँचौं साधारण सभा तथा तेस्रो अधिवेशनबाट झापाली अध्यक्षमा सर्वसम्मत चयन भएका हुन् ।
समितिको उपाध्यक्षद्वयमा संगीता उप्रेती र सिएम शर्मा, सचिवमा मनोज बस्नेत, सहसचिवमा अनुप भण्डारी र कोषाध्यक्षमा चन्द्रकुमार बस्नेत रहेका छन् ।
त्यस्तै सदस्यहरूमा आईपी भट्टराई, जनक न्यौपाने, केशव चापागाई, सुस्मा कुमाल र सूर्यप्रकाश अधिकारी चयन भएका छन् ।
सोही अवसरमा नेपाल पत्रकार महासंघमा निर्वाचित अध्यक्ष एकराज गिरीसहित पदाधिकारी तथा सदस्यलाई सम्मान गरिएको थियो ।
त्यसैगरी सञ्चारकर्मी अमृत योङहाङलाई समेत सम्मान गरिएको थियो ।
सुरूङ्गा प्रेस क्लबका अध्यक्ष रामप्रसाद निरौलाको अध्यक्षतामा भएको कार्यक्रममा कनकाई नगरपालिकाका मेयर राजेन्द्रकुमार पोखरेल, नेपाल पत्रकार महासंघ झापाका अध्यक्ष एकराज गिरी, समाजसेवीहरु शेरबहादुर थापा, युवराज चम्लागाई, सूर्यप्रकाश उप्रेती लगायतले शुभकामना मन्तव्य राखेका थिए ।
उपाध्यक्ष सावित्रा दाहाल भट्टराईले मन्तव्यबाट स्वागत गरेको कार्यक्रमको सञ्चालन सचिव मनोज बस्नेतले गरेका थिए ।
