बिर्तामोड उद्योग वाणिज्य संघको राहत कोषमा अमेरिकाबाट सहयोग प्राप्त भएको छ ।
व्यवसायीको हकहितका लागि संघले सञ्चालन गरेको राहत कोष वृद्धिका लागि अमेरिका बस्दै आएका झापाली आचार्य दम्पत्तीले सहयोग गरेका हुन् ।
बिर्तामोडमा लामो समय व्यवसाय सञ्चालन गरेका चुडा आचार्यले अमेरिकाबाट ४० हजार ६ सय ९९ रुपैयाँ सहयोग गरेको बिर्तामोड उद्योग वाणिज्य संघका वरिष्ठ उपाध्यक्ष तथा कोषका संयोजक राजकुमार घिमिरे ‘राजु’ले जानकारी दिए ।
व्यवसायीलाई विपद् पर्दा सहयोग पु¥याउने उद्देश्यले स्थापना गरिएको कोषमा आचार्यले अमेरिकाबाट सहयोग गर्नु भएको छ कोषका संयोजक घिमिरेले भने व्यवसायीको हितका लागि देशवासीले मात्र होइन विदेशबाट समेत सहयोग प्राप्त हुँदा कोषको लक्ष्य चाँडै पूरा हुने हाम्रो अपेक्षा छ ।
बिर्तामोडका पुराना व्यवसायी चुडा आचार्य र उनकी श्रीमती मन्दरा आचार्यले संघले स्थापना गरेको कोषका बारेमा थाहा पाएर अमेरिकाबाट पनि सहयोग पु¥याएको संघका अध्यक्ष राजु न्यौपानेले जानकारी दिए ।
