झापाको बुद्धशान्ति गाउँपालिकामा भूमिहीनहरूलाई जग्गा धनीपुर्जा वितरण गरिएको छ ।

बुद्धशान्ति गाउँपालिका वडा नं. ४ का १९५ जना भूमिहीनहरूलाई जग्गा धनीपुर्जा वितरण गरिएको छ ।

Advertisement

सोमबार वडा नं ४ कार्यालय नजिक आयोजित विशेष कार्यक्रममा उनीहरूलाई जग्गा धनीपुर्जा वितरण गरिएको हो ।

नेपाली काँग्रेसका महामन्त्री तथा झापा नम्बर १ बाट निर्वाचित प्रतिनिधिसभा सदस्य विश्वप्रकाश शर्माले धनीपुर्जा वितरणको सुरुवात गरेका थिए । गाउँपालिका अध्यक्ष मनोज प्रसाईंले माग अनुसारको धनीपुर्जा दिलाउन गाउँपालिका कार्यालयले अझ धेरै काम गर्न बाँकी रहेको बताए ।

उक्त कार्यक्रममा स्थानीय, राजनीतिक दलका प्रतिनिधि, संघसंस्थाका प्रतिनिधि, जनप्रतिनिधि लगायतको उपस्थिति रहेको थियो ।