झापाको मेचीनगरमा रहेको १०८ युवा समूहले स्थानीय उत्पादन र मौलिक खानाको प्रवर्द्धन गर्दै प्रकृति संरक्षणसम्बन्धी अन्तरक्रिया कार्यक्रम सम्पन्न गरेको छ ।
कार्यक्रममा ‘प्रकृतिले हामीलाई के दियो र हामीले प्रकृतिलाई के दियौं ?’ भन्ने विषयमा छलफल गरिएको समूहका अध्यक्ष रोमन कार्कीले जानकारी दिए ।
कार्यक्रममा मेचीनगर नगरपालिका-४ का वडाध्यक्ष अर्जुन कार्की, रोङ गाउँपालिका-५ का वृहस्पति खतिवडा, त्रिविका प्राध्यापक डा.हेमराज कार्की, भिम श्रेष्ठ, दिपेश खड्का, हिम्मत खड्का, न्युटन कार्की, कमल प्रधान, रोहित श्रेष्ठ, युवराज वास्तोला, महेन्द्र राज मल्ल, लक्ष्मी सिग्देल, सोम तोलाङी, शंकर ल्यूटेल, नमुना निरौला, पुष्प भट्टराई, केशर श्रेष्ठ (बाहुनडाँगी B.O.P. Inspector) र रमेश थापा (बर्दिया निकुञ्ज संरक्षक) लगायतका प्रतिनिधिहरूको उपस्थिति रहेको थियो ।
उक्त अन्तरक्रिया कार्यक्रममा सहभागीहरूले प्रकृतिको संरक्षणका लागि गर्ने प्रयासहरू, विकासका पूर्वाधार निर्माणमा प्रकृति दोहनरहित उपायहरूको प्रयोग, मौलिक खाना र खाद्य संस्कारको प्रवर्द्धनजस्ता विषयमा छलफल गरेका थिए ।
