१७ कार्तिक, बिर्तामोड ।
न्यूटन्स् बालक्लब बिर्तामोडको आयोजनामा पुस्तक प्रदर्शनी सम्पन्न भएको छ । प्रदर्शनीमा १ हजार २ सयभन्दा बढी विद्यार्थी र १ सय जना अभिभावक सहभागी भएको बालक्लब फोकल पर्सन मिनु शिवाकोटीले जानकारी दिइन् ।

बालबालिका लाई पठनपाठनमा मात्र नभई बाहिरी ज्ञानमा पनि प्रेरित गर्ने उद्देश्यले कार्यक्रम आयोजना गरिएको प्रध्यानाध्यापक देबेन्द्र हुमागाँईले बताए । उनले बाल साहित्य, कथा संग्रह, विज्ञान, साहित्य लगायत विद्याका पुस्तक अवलोकनले बालबालिकाको अध्ययन क्षमतामा पनि वृद्धी हुने विश्वास व्यक्त गरे ।
सम्पुर्ण पुस्तकको प्राबिधिक सहयोगमा आयोजित प्रदर्शनीमा ८ सय बढीले पुस्तक खरिद गरको बताईएको छ । विद्यालयमा पहिलोपटक आयोजना भएको प्रदर्शनीले नयाँ अनुभव लिन पाएको बालक्लबका अध्यक्ष साबित्रा न्यौपानेले बताइन् ।

Advertisement