श्रीमतीको हत्या आरोपमा श्रीमान पक्राउ

काठमाण्डौ । दाङको घोरहीमा श्रीमतीको हत्या आरोपमा श्रीमान पक्राउ परेका छन् । घोराही उपमहानगरपालिका वडा नम्बर ३ बेलुवाका मुकुन्दलाल चौधरीलाई पक्राउ गरेको प्रहरीले जनाएको छ ।

हिजो बेलुकी घरायसी विवादका क्रममा ५७ वर्षका चौधरीले बन्चरो प्रहार गर्दा घाइते भएकी ४६ वर्षकी स्यानाकुमारी चौधरीको उपचारको क्रममा ज्यान गएको जिल्ला प्रहरी कार्यालय दाङले जनाएको छ ।