जिल्ला प्रशासन कार्यालयले मंगलबार पनि कर्फ्यु आदेश जारी गरेको छ।

जेन–जीको प्रदर्शनलाई मध्यनजर गर्दै झापाका प्रमुख जिल्ला अधिकारीले बिर्तामोड नगरपालिकाका आसपासका क्षेत्रमा बिहान साढे आठ बजेदेखि बिहीबार बिहान ५ बजेसम्म कर्फ्यु आदेश जारी गरेको हो।

Advertisement

पूर्वमा बिर्तामोड बसपार्क छिर्ने मोडसम्म, पश्चिमतर्फ रामचोक, उतरतर्फ महानन्दचोक र दक्षिणमा सैनिक मोडसम्मको भागमा आवतजावत गर्न, भेला हुन, सभा जुलुस प्रदर्शन गर्न, बैठक र घेराउ गर्न नपाउने गरी कर्फ्यु आदेश जारी गरेको जिल्ला प्रशासन कार्यालय झापाले जानकारी दिएको छ ।