वडा सदस्य राईको उपचारका लागि आर्थिक सहयोगको अपिल

संवाददाता/ मङ्गलबार, चैत १७, २०७७

हाल्दिवारी । हाल्दिवारी गाउँपालिका वडा नम्बर १ का वडा सदस्य पदम सुन्दर राईको आर्थिक अभावका कारण उपचारमा समस्या भएको छ।

गत फागुन ५ गते सडक दुर्घटनामा परि घाइते भएका राईको हाल बिर्तामोड स्थित बि एण्ड सि अस्पतालमा उपचार भइरहेको छ । बाहिरी कुनै चोटपटक नलागे पनि टाउकोमा भित्री समस्या देखिएको र २ पटक अपरेसन समेत गरि सकिएको तर हाल सम्म अचेत अवस्थामा रहेको बताईएको छ ।

राईको उपचारमा आर्थिक समस्या भएकाले स्थानीयवासी, गाउँपालिका र वडा कार्यालयले सहयोग समेत जुटाउन थालेका छन् । २० लाख भन्दा बढी खर्च हुने अस्पतालले बताएपछि वडा नम्बर १ का वडाध्यक्ष त्रिलोचन सापकोटाले सम्पुर्णमा आर्थिक सहयोग गरिदिन आग्रह गरेका छन् ।