साहित्य चौतारी बिर्तामोडले साहित्यकार कृष्ण धरावासी र उनकी धर्मपत्नीलाई अभिनन्दन गरेको छ ।

संस्थाका संस्थापक सल्लाहकार तथा मदन पुरस्कार बिजेता कृष्ण धरावासीसहित उनकी पत्नी कवि मञ्जु बिमलीलाई टीका, माला र अभिनन्दनपत्र प्रदान गरिएको थियो ।

Advertisement

प्रमुख संस्थापक संरक्षक तथा अध्यक्ष देवीभक्त श्रेष्ठ,संस्थापक संरक्षक तथा बरिष्ठ उपाध्यक्ष उर्मिला बिमली श्रेष्ठ, प्रमुख अतिथि अग्रज साहित्यकार कोमलप्रसाद पोखरेललगायतले अभिनन्दन गरेका थिए ।

सल्लाहकार संयोजक राजेन्द्र संग्रौलाले अभिनन्दनपत्र बाचन गरेको कार्यक्रममा साहित्यकार गणेश निरौलाले धरावासीको परिचय प्रस्तुत गरेका थिए भने महासचिव गौरव श्रेष्ठले स्वागत मन्तव्य राखेका थिए ।

सोही कार्यक्रममा संस्थाका सल्लाहकार अभिनन्दित साहित्यकार हरिनारायण भट्टराईको दोस्रो कृति संस्मरण एक समीक्षा अनेकको बिमोचन गरिएको थियो