झापाको भद्रपुर नगरपालिका वडा नं.२ डिगाउँमा धारिलो हतियार प्रहार गरी एक जनाको हत्या भएको छ ।

शुक्रबार दिउँसो ३:३० बजेको समयमा भद्रपुर नगरपालिका वडा नं.२ डिगाउँमा सोही ठाउँ बस्ने ७० वर्षीया गौरीमाया तामाङलाई स्थानीय अन्दाजी बर्ष ३५-४० का राजेश तामाङले धारिलो हरियार सिक्कल प्रहार गरी हत्या गरेका हुन् ।

Advertisement

गौरीमायाकै घरमा गई राजेशले धारिलो हरियार प्रहार गरेका थिए । उनले सिक्कलले घाँटीको दाहिने भागमा प्रहार गर्दा गौरीमायाको घटनास्थलमै मृत्यु भएको प्रहरीले जनाएको छ ।

धारिलो हतियार प्रहार गर्ने राजेशलाई खेतवारीमा लुकिछिपि बसेको अवस्थामा पक्राउ गरी इलाका प्रहरी कार्यालय पृथ्वीनगरले नियन्त्रणमा लिएको छ । हत्या गर्नुको कारण खुल्न सकेको छैन ।