झापामा तीन सय ५३ जना फरार प्रतिवादी पक्राउ

संवाददाता/ सोमबार, बैशाख २४, २०८१

जिल्ला प्रहरी कार्यालय झापाले चालू आर्थिक वर्षमा तीन सय ५३ जना फरार प्रतिवादीलाई पक्राउ गरेको छ ।

जिल्ला अदालत झापाको फैसला कार्यान्वयन अन्तरगत जिल्ला प्रहरी कार्यालय झापाले जिल्लाका विभिन्न स्थानबाट फरार प्रतिवादीलाई पक्राउ गर्दै जिल्ला अदालत झापा बुझाएको प्रहरी नायव उपरीक्षक कृष्णकुमार चन्दले जानकारी दिए ।

पक्राउ परेका उनीहरुबाट एक सय ४१ वर्ष ६ महिना २ दिन कैद र चार करोड ४० लाख बयानब्बे हजार दुई सय रुपैयाँ बिगो जरिवाना असुल हुने बताइन्छ ।

गत फागुन ६ गते यता मात्रै प्रहरीले ६६ वर्ष ४ महिना ३ दिन कैद र बयालिस लाख छयालिस हजार एक सय सन्तानब्बे रुपैयाँ विगो जरिवना कायम भएका एक सय ८८ जना फरार प्रतिवादी पक्राउ गरेको जिल्ला प्रहरी कार्यालय झापाका प्रहरी नायव उपरीक्षक चन्दले बताए ।