नेपाल प्रहरीले १५ गते हुने उपचुनावको सुरक्षा तयारी पूरा भएको जनाएको छ ।

प्रतिनिधि सभातर्फ इलाम-२ र प्रदेश सभा बझाङ-१ (क) मा हुने उपचुनावको सबै सुरक्षा तयारी पूरा भएको हो ।

Advertisement

नेपाल प्रहरीले काठमाडौँमा आज पत्रकार सम्मेलन गरी उपचुनाव हुने दुवै क्षेत्रमा सुरक्षा व्यवस्था मिलाएको जानकारी दिएको छ । चुनाव हुनुअघिको, मतदानको दिनको र मतदान भइसकेपछिको आवश्यक सुरक्षालाई अलग-अलग कार्ययोजना बनाएर सुरक्षा व्यवस्थापन मिलाएको नेपाल प्रहरीका प्रहरी नायब महानिरीक्षक तथा प्रवक्ता भीमप्रसाद ढकालले बताए । उनका अनुसार उपचुनाव हुने क्षेत्रमा दुई हजार तीन सय ८७ जना प्रहरी कर्मचारी खटिँदै छन् ।

चुनावका लागि गए रातिदेखि नै मौन अवधि शुरु भइसकेको छ । निर्वाचन आयोगले आचारसंहितको पालना गर्न/गराउन सम्बन्धित सबै सरोकार पक्षलाई निर्देशन दिएको छ ।