पछिल्लो समय आफ्नो जन्म दिनलाई सकारात्मक तथा सृजनशिल रुपमा मनाउने क्रम बढिरहेको छ । जन्मदिनलाई भड्किलो बनाउने संस्कार विरुद्ध जन्मदिनमा समाज सेवी कार्य गर्दै दिपा दुलाल दाहल उदाहरणिय कार्य गरेकी छिन । झापाको शिवसताक्षी न.पा.४ मा जन्मिएकी र हाल बनेपा ९ नयाँ बस्ती कि दाहालले आफू फोक्सो संग सम्बन्धित बिरामीले अस्वस्थ भएर पनी जन्मदिन सकारात्मक तवरले मनाएकी हुन।
जन्मदिन समुदायको लागि भन्ने नारा सहित अनावश्यक खर्च गर्नुको सट्टामा सामाजिक कार्य गरौ भन्ने भावनाबाट अभिप्रेरित भएर आज बोलोचौक विकास समितिद्वारा संचालित निः शुल्क योगा कक्षाका विद्यार्थीहरुलाई २० थान टि सर्ट प्रदान गरेकी हुन ।
उनले जन्म दिनमा अनावश्यक खर्च नगरी वृद्धाश्रम, बालआश्रम, गरिव, भोका नाङ्गा आदिलाई साहारा दिन सबैलाई आग्रह गरेकी छन् ।
बोलोचौक विकास समितिका संस्थापक अध्यक्ष डा.धर्मेन्द्र कुमार शाहले कोरोनाका कहर बिच आफू अस्वस्थ हुँदा पनि सहयोग गरेर उदाहरणीय कार्य गरेको बताए ।
