जन्मोत्सवको अवसर पारेर झापा अर्जुनधारा र मेचीनगरका दुइ समाजसेवीले बालगृहलाई सहयोग सामाग्री प्रदान गरेका छन् । मेचीनगर १३ कि संस्थाकी पुर्ब कोषाध्यक्ष उमा श्रेष्ठ र अर्जुनधारा ११ का मदन हुमागाइले आफ्नो जन्मदिनको अवसरमा संयुक्त रुपमा सहयोग सामाग्री र रकम प्रदान गरेका हुन् ।
अर्जुनधारा ११ स्थित बन्दी सहायता नेपालद्वारा संचालित जुनकीरी प्राबी तथा मनमाया आमा बालगृहमा प्रकाश हाडवयर अर्जुनधारा ११ बुटाबारीका प्रोपाइटर मदन हुमागाइले आफ्नो २९ औं जन्मोत्सवको अवसरमा सस्थालाई एघार हजार बराबरको स्टिल दराज र बालबालिकालाई खाद्यान्न प्रदान गर्दै सस्थाका अध्यक्ष जगतबहादुर मगरलाई दराजको चाबी हस्तान्तरण गर्नुभएको थियो ।
त्यस्तै मेचीनगर १३ कि संस्थाकी पुर्ब कोषाध्यक्ष तथा रास्ट्रसेवक उमा श्रेष्ठले बालबालिकाहरुलाई चकलेट बितरण गर्दै पाँच हजार बराबरको प्लास्टिक कुर्सी प्रदान गर्नु भएको थियो । अहिलेको महामारीमा फजुल खर्च गर्नु भन्दा बालबालिका र संस्थालाई सहयोग गर्ने चाहना अनुसार आफ्नो साथी इन्दिरा रानालाई सम्झना गर्दै नानीहरूलाई भेट्न आएको उमा श्रेष्ठले बताउनु भयो ।
हुमगाँइ र श्रेष्ठलाई संस्थाको तर्फबाट सह संयोजक अर्जुन थेबे, पिटिए अध्यक्ष डम्बरबहादुर श्रेष्ठ, ज्ञानु शिवाकोटी बिनोद हुमागाँइ लगायतले शुभकामना व्यक्त गर्नुभएको कार्यक्रमको सहजीकरण प्रधानाध्यापक रन्जित परियारले गर्नुभएको थियो ।
