सेयर बजार मापक नेप्से परिसूचक बुधबार दोहोरो अंकले घटेको छ । नेप्से १५.७६ अंकले घटेर १९३३.२९को विन्दुमा झरेको छ । गएको सोमबार २२ अंकले बढेको नेप्से मंगलबार सार्वजनिक बिदाका कारण बन्द थियो ।

बुधबार २६६ कम्पनीका एक अर्ब ३३ करोड ३७ लाख १९ हजार ९२९ रुपैयाँबराबरको ३७ लाख ७७ हजार ४०० कित्ता सयर किनबेच भएको नेपाल स्टक एक्सचेन्जले जनाएको छ ।

Advertisement

सेन्सेटिभ इन्डेक्स पनि ०.६३ प्रतिशतले घटेर ३६१.९०को विन्दु कायम भएको छ ।

यस दिन १३ वटै उपसमूहको समूहगत सूचक पनि ओरालो लागेको छ । उत्पादन तथा प्रशोधन उपसमूहको समूहगत सूचक सर्वाधिक १।८७ प्रतिशतले ओरालो लागेको छ ।

मायाखोला हाइड्रोपावर कम्पनीको सेयर मूल्य ९.९८ प्रतिशतले बढेर प्रतिकित्ता २९२ रुपैयाँ कायम भएको छ । बोटलर्स नेपालको सेयर मूल्य प्रतिकित्ता ९६८ रुपैयाँले घटेर ११ हजार ७३२ रुपैयाँ कायम भएको छ ।