झापा । गठबन्धनका चार दलको चित्त बुझाउने हो भने सत्तारूढ नेपाली कांग्रेसले प्रतिनिधि सभामा प्रत्यक्षतर्फ बढीमा ३१ जना उम्मेदवार उठाउन पाउँछ ।
सीट भाग लगाउन भदौ ९ गते प्रधानमन्त्रीको सरकारी निवास बालुवाटारमा बसेको कार्यदल बैठकमा दलहरूले आआफ्ना दाबी प्रस्तुत गरेका थिए । बैठकमा नेकपा (माओवादी केन्द्र)ले ६०, नेकपा (एकीकृत समाजवादी)ले ४०, जनता समाजवादी पार्टी (जसपा)ले ३२ र राष्ट्रिय जनमोर्चाले दुई सीट पाउनुपर्ने अडान राखेका थिए ।
कांग्रेस बाहेकका दलले १३४ सीट मागेका हुन् । ती दलहरूको चित्त बुझाउने हो भने कांग्रेसको भागमा ३१ सीट पर्छ । आफूलाई गठबन्धनमै रहेको दाबी गर्ने बाबुराम भट्टराईको नेपाल समाजवादी पार्टीले कति सीट माग्ने हो, प्रष्ट छैन ।
गत स्थानीय चुनावमा सबैभन्दा बढी पालिका प्रमुखमा जित हासिल गरेको कांग्रेस ३१ सीटमा खुम्चिन तयार होला कि नहोला, अहिल्यै भन्न सकिदैन ।
