२६ असार, बिर्तामोड । सरकारले मुस्लिम समुदायहरु पबित्र पर्व बकर इदको अवसान आईतवार सार्वजनिक बिदा दिने घोषणा गरेको थियो । बिर्तामोड नगरपालिका वडा नम्बर ३ मा रहेको नबोदय फनमिन बिद्यालयले भने सरकारको निर्णयलाई बेवास्ता गर्दै बिद्यालय संचालन हुने निर्णय भएको भन्दै अभिभावकलाई पत्र पठाएको थियो ।
मन्त्री परिषदले गरेको सार्वजनिक बिदालाई लत्याएको र मुस्लिम समुदायको धार्मिक विषयलाई महत्त्व नदिएको भन्दै मुस्लिम बालबालिकाका अभिभावकले असन्तुष्टि जनाए पछि बिद्यालयले सो निर्णय संचाउदै फिर्ता लिएको छ ।
सबै धर्म र परम्पराको सम्मान गर्न बिद्यालय प्रशासन लाई ध्यानाकर्षण गराएपछि बिद्यालयले सूचना जारी गर्दै आईतवार सार्वजनिक बिदा भएको मुस्लिम नेता अफ्रोज खानले बताए ।
विभिन्न कारणले पठनपाठन अबरुद्ध हुँदै आएको कारण बिदा घटाउन र बालबालिकाको अध्ययन लाई पुणता दिन अभिभावकको सुझाव अनुसार सो निर्णय गरिएको बिद्यालयले जनाएको छ।
