झापा । युनियन लाइफ इन्स्योरेन्सले मृत्यु दावी भुक्तानी बापतको रुपैया मृतकको परिवारलाई प्रदान गरेको छ ।
युनियनले आज भद्रपुर कार्यलयमा एक कार्यक्रमको आयोजना गरि झापा जिल्ला भद्रपुर नगरपालिका वडा नम्बर ४ निवासी सूदीप शर्मा पोख्रेलको मृत्यु दावी भुक्तानी बापतको नगद १३ लाख रुपैया बराबरको चेक उनकी श्रीमती अञ्जु राई पोख्रेललाई हस्तान्तरण गरेको हो ।
रोजगारीको सिलसिलामा दोहा कतार पुगी एक कम्पनीमा काम गर्दै आएका पोख्रेलको कोरोनाका कारण ५ महिना अघी मे ५ मा निधन भएको थीयो । उनले वैदेशिक रोजगार म्यादी जीवन बिमा योजना अन्तर्गत युनियन लाइफ इन्स्योरेन्सबाट बिमा गराएकाले सो दावी भुक्तानी गरिएको युनियन लाइफका सिनियर एजेन्सि मेनेजर रविन सिवाकोटीले बताएका छन् ।
मृत्यु दावी भुक्तानी युनियन लाइफका सिनियर एजेन्सि मेनेजर रविन सिवाकोटी , एम डि आर टी बिमला फूयल , एजेन्सि मेनेजर श्याम प्रसाद रिजाल लगाएतको उपस्थितीमा भद्रपुर साखा प्रमुख निरज निरौलाले हस्तान्तरण गरेको सिवाकोटीले बताएका छन् ।
यसैगरी कार्यक्रममा बिमाको आवश्यकता र महत्वको बारेमा सिनियर एजेन्सी मेनेजर रबिन सिवाकोटी लगायत अन्य एजेन्सीका मेनेजरहरू ले जानकारी गराएका थीए त्यसैक्रममा यसको महत्त्वको बारेमा जानकारी प्राप्त गरि आउदा दिनहरूमा आफु समेत बिमा अभियानमा लाग्ने अन्जु राई पोख्रेलले बताएकी छिन् ।
