काठमाडौँ । जनस्वास्थ्यका मापदण्ड कडाईका साथ पालना नगरे कोरोना संक्रमणको भयावह अवस्था आउन सक्ने भन्दै जनस्वास्थ्यविद्हरूले चिन्ता व्यक्त गरेका छन् । शुक्रराज ट्रपिकल तथा सरुवा रोग अस्पतालमा डा. शेरबहादुर पुन दोस्रो चरणमा देखा परेको कोराना संक्रमण पहिलाको तुलनामा बढी सर्ने खालको रहेको बताउछन् ।
यो युके, बेलायती भेरियन्ट भाइरसले साना बालबालिकालाई आक्रमण गरेकाले जनस्वास्थ्यका मापदण्ड पालना नगरी खेलवाड गरे गम्भीर समस्या आउने खतरा रहेको उनी बताउछन् । अहिले देखा परेको संक्रमणले बालबच्चालाई असर गरेको बताउँदै उनले बालबालिका हस्पिटल भर्ना हुनेको बृद्वि देखिएको बताए।
अहिले देखापरेको भाइरस उमेर सिफ्ट गरेको र फरक खालको भाइरस भएकाले पहिलाको तुलनामा बढी सावधानी हुनुपर्ने अवस्था रहेको जानकारी दिए ।अहिलको भारइरसबाट बालबच्चा जोगाउन गम्भिर भएर बेलैमा सोच्ने अवस्था आएको र यस्तै अवस्थामा भीडभाड राखेर पढ्न पढाउन लगायत अन्य गतिविधि यथावत राखे अवस्था जटिल आउने सरुवा रोग विशेषज्ञ डा. पुनको भनाइ छ ।
विदेशबाट आउने मानिसलाई अनिवार्य कडाइका साथ क्वारेन्टाइनमा बस्ने व्यवस्थालगायत नेपाल भारतको खुला सिमानाबाट आउनेको हकमा पनि निगरानीका साथ व्यवस्थापन गर्नुपर्ने उनको भनाइ छ ।आम मानिसले आफ्ना दैनिक गतिविधि गर्दा जनस्वास्थ्यका मापदण्ड पालना गरे मात्र जोगिने एक मात्र उपाय भएको उनी बताउछन् ।
पछिल्लो स–साना बालकालिकालाई कोरोना संक्रमणको जोखिममा परेको बताउँदै विद्यालयमा स्वास्थ्य मापदण्ड पालना नगरे ठूलो संकट आउने बताउछिन्, जनस्वास्थ्यविद् डा. शरद वन्त । विद्यालयमा पढ्न र पढाउन सामाजिक दुरी कायम गरी मास्क अनिवार्य प्रयोग र जोर बिजोर अथवा सिप्mट गरेर पढाउन आवश्यक हुने उाको भनाइ छ ।
कोरोना संक्रमणको जोखिम नै नभएको हो कि भन्ने गरी बढ्न थालेको गतिविधिका कारणले कोरोना संक्रमणदर बढ्नुको प्रमुख कारण रहेको उनले बताइन् । अहिले कुनै ठाउँमा पनि जनस्वास्थ्यका मापदण्ड पालना गरेको पाइएन अब खतराको अवस्था आएको डा। वन्त बताउछिन् ।
जनस्वास्थ्यविद् डा. शरद वन्तले नेपालमा कोरोना संक्रमणको जोखिम बल्ल आएको बताइन् । नागरिकका पछिल्ला गतिविधिमा स्वास्थ्य मापदण्डलाई राम्ररी पालना नगरेको देखिएकाले नेपालमा कोरोनाको महामारी पुनः दोहोरिन सक्ने खतरा रहेको उनले चेतावनी दिइन् ।
यस्तै, जनस्वास्थ्य मापदण्डमा लापरवाही गरे पहिलो चरणमा देखा परेको भन्दा बढी संख्या देखिने खतरा त्यतिकै रहेको उनी बताउछिन् । नेपालको खानपिन र हावापानी वातावरणले कोरोना लाग्दैन भन्ने केही मानिसमा भ्रम देखा परेको सुन्नमा आउँछ त्यस्तो भ्रम र खेलवाडमा नलाग्न उनको आग्रह छ ।
पछिल्लो समय राजनीतिक गतिविधि लगायत अन्य औपचारिक वा अनौपचारिक रुपमा गरिएका कार्यक्रमका कारण संक्रमण बढ्न गएको उनको आंकलन छ । दोस्रो प्रकारको भाइरस पहिलाको भन्दा अलि असर गर्ने र छिटो फैलिने खालको रहेको सरुवा रोग विशेषज्ञ डा. वन्त बताउछिन् ।
यसैबीच, स्वास्थ्य तथा जनसङ्ख्या मन्त्रालयले काठमाडौंसहित १४ जिल्लालाई दोस्रो चरणको कोरोना महामारीबाट अति प्रभावित क्षेत्रको रुपमा वर्गिकरण गरेको छ । काठमाडौं, ललितपर, कास्की, रुपन्देही, चितवन, बाँके, पर्सा, भक्तपुर, कैलाली, मोरङ, दाङ, सुर्खेत, बारा, बाग्लुङका जिल्लामा भीडभाड नगर्न एवम् दोस्रो चरणको कोरोना सङ्क्रमणबाट संवेदनशील बन्न सरकारले आग्रह गरेको हो । मन्त्रालयले ती जिल्लाहरूमा मानिसहरू धेरे जम्मा हुने स्थान विद्यालय, रात्री क्लब, रेस्टुरेन्ट, जात्रा मेला पर्वमा नजान आग्रह गरेको छ ।
स्वास्थ्य तथा जनसङ्ख्या मन्त्रालयका अनुसार एक महिना अघि फेला परेको कुल सङ्क्रमितमध्ये ३० बर्षभन्दा कम उमेर समूहका सङ्क्रमित २९ प्रतिशत रहेकोमा अहिले ३५ प्रतिशत पुगेको छ । चैत १० गते सबभन्दा उच्च २० बर्षमुनिका ४० प्रतिशत र ३० बर्ष मुनिका ६० प्रतिशत पुगेको थियो ।
