झापा । मेचीनगर १३ चारालीमा ट्रिपरको ठक्करबाट एकजनाको मृत्यु भएको छ भने अर्का एकजना घाइते भएका छन् । मृत्यु हुनेमा देवी मावि बिर्तामोडमा कक्षा ११ मा अध्ययनरत १८ वर्षिया अन्सु शिवाकोटी रहेकि छन् ।
हिजो बिहान विद्यालय पैदल आउँदै गर्दा अन्सु र उनका साथी राहुल बस्नेतलाई चन्द्रगढी– चारआली सडक खण्डमा दक्षिणबाट उत्तरतर्फ आउँदै गरेको मे १ ख २५१५ नं को ट्रिपरले ठक्कर दिएको थियो ।
घाइते दुवैलाई उपचारका लागि बिर्तामोडस्थित बिएण्डसी हस्पिटल भर्ना गरिएको थियो ।
मेचीनगर १३ चारआलीका सागर शिवाकोटीकी छोरी अन्सुको उपचारका क्रममा आज विहान मृत्यु भएको हो । उनको टाउकोमा चोट लागेको थियो ।
त्यस्तै राहुलको हात र खुट्टामा चोट लागेको छ । उनको बिएण्डसीमै उपचार भइरहेको छ । दुर्घटनापछि ठक्कर दिने ट्रिपर र ट्रिपर चालक भद्रपुर नगरपालिका वडा ९ बस्ने ३२ वर्षिय सुमन ओझालाई ईलाका प्रहरी कार्यालय धुलाबारीले नियन्त्रणमा लिएको छ।
