चारआली साना सहरी खानेपानी उपभोक्ता तथा सरसफाई संस्थाको आसन्न निर्वाचनका लागि उम्मेदवारहरु घरदैलोमा व्यस्त रहेका छन् ।
संस्थाको आगामी मंसिर १ गते नयाँ कार्यसमितिका लागि हुन गइरहेको निर्वाचनका लागि काँग्रेस, एमाले र नेकपा माओवादी केन्द्रको नेतृत्वमा छुट्टा-छुट्टै तीन वटा समूह बनाएर उम्मेदवारहरु उपभोक्ताको घर-घरमा पुगेर चुनावी अभियानमा होमिएका हुन् ।
नेपाली काँग्रेसको लोकतान्त्रिक समूहबाट अध्यक्षमा बालकुमार विष्ट, उपाध्यक्षमा दिपा आचार्य पौडेल, सचिवमा राजेन्द्रप्रसाद रिजाल र कोषाध्यक्षमा यामकान्त पौडेल उम्मेदवार बनेका छन् ।
त्यस्तै सदस्यमा लक्ष्मी घिमिरे, रम्बा राजवंशी, धनमाया बस्नेत (नम्रता), शान्ता नेम्बाङ र सुकुमार मेचे रहेका छन् भने लेखा समितिको संयोजकमा मोहन अधिकारी तथा सदस्यहरुमा हरिप्रसाद रिमाल र जमुनादेवी खरेल ओली उम्मेदवार छन् ।
यता नेकपा एमालेको प्रगतिशील समूहले अध्यक्षमा सन्तोषकुमार मेचे, उपाध्यक्षमा पुष्पा गौतम खनाल, सचिवमा दामोदर घिमिरे र कोषाध्यक्षमा प्रकाश बराल उम्मेदवार छन् ।
यसैगरी सदस्यहरुमा राजेन्द्र कार्की, भागिरथा खतिवडा, हरिप्रसाद घिमिरे, लिलादेवी कार्की र कुमारप्रसाद भण्डारी उम्मेदवार छन् भने लेखा समिति संयोजक पदमा रेवतकुमार दाहाल तथा सदस्यहरुमा श्रीप्रसाद थापा र विमला मिश्र विष्ट उम्मेदवार रहेका छन् ।
यसैगरी साझा उम्मेदवार समुहको तर्फबाट अध्यक्षमा राजन चिमरिया, उपाध्यक्षमा मैया कार्की, सचिवमा प्रेमराज घिमिरे र कोषाध्यक्षमा साउन मेचे ‘बादल’ रहेका छन् ।
त्यस्तै सदस्य पदका उम्मेदवारहरु डिल्लीराम अधिकारी, चन्द्रकला तबेबुगं, पुरुषोत्तम सिग्देल, अञ्जु फेवदिन, तेजबहादुर लिम्बु तथा लेखा समिति संयोजक पदका उम्मेदवार अर्जुन खनाल, सदस्य रुदप्रसाद रिजाल र रीतादेवी रिजाल न्यौपानेसहितका उम्मेदवारहरु घरदैलोमा व्यस्त रहेका छन् ।
यसअघिका कार्यकालमा कार्यसमिति सर्वसहमत गठन हुँदा आए तापनि नेतृत्व गर्ने बीचमा आवश्यक समन्वय नहुँदा यो पल्ट भने निर्वाचन हुने भएको हो ।
आम नागरिकको स्वास्थ्यसँग सरोकार राख्ने भएकाले राजनीतिक दल सम्बद्ध कार्यकर्ताको भेलाले सबै राजनीति दलबाट सहमतीय माध्यमबाट साझा उमेद्वारको रुपमा नेतृत्व प्रदान गर्ने भनी समन्वय पनि गरेका थिए । तर अन्तिम आएर नेतृत्व गर्ने विषयमा तालमेल नहुँदा चुनावमार्फत नयँ नेतृत्व चयन हुने भएको छ ।
मेचीनगर नगरपालिका वडा नंं ११, १२, १३ र १४ का दुई हजार ६ सय ९५ जना मतदाता रहेको निर्वाचन समितिका संयोजक सन्तोष न्यौपानेले जानकारी दिए ।
