२,४३३ संक्रमित थपिए, थप २६ जनाको मृत्यु, एक हजार ९२९ निको

संवाददाता/ बिहिबार, भदौ १०, २०७८

काठमाडौं । नेपालमा थप दुई हजार ४३३ जनामा कोरोना संक्रमण पुष्टि भएको छ ।

पछिल्लो २४ घण्टामा १४ हजार ३७४ वटा स्वाब नमुनाको परीक्षण गरिएकोमा दुई हजार ४३३ जनाको नतिजा पोजिटिभ आएको हो । नौ हजार ७०२ नमुनाको पीसीआर परीक्षण गर्दा दुई हजार ५२ र चार हजार ६७२ नमुनाको एन्टिजेन विधिबाट परीक्षण गर्दा ३८१ जनामा संक्रमण देखिएको हो ।

पछिल्लो २४ घण्टामा कोरोनाका कारण २६ जनाको मृत्यु पुष्टि भएको छ । योसँगै नेपालमा कोरोनाका कारण मृत्यु हुनेको संख्या १० हजार ६३८ पुगेको छ ।

पछिल्लो २४ घण्टामा देशभर एक हजार ९२९ जना निको भएका छन् । योसँगै नेपालमा कोरोनामुक्त हुनेको संख्या सात लाख पाँच हजार ८९३ पुगेको छ ।

हाल देशभर सक्रिय संक्रमितको संख्या ३८ हजार ३८४ रहेको स्वास्थ्य तथा जनसंख्या मन्त्रालयले बिहीबार जनाएको छ ।