झापा । नेपाल पत्रकार महासंघ झापाको आसान्न निर्वाचनका लागि तीन जना अध्यक्ष पदका लागि दाबेदार रहेका छन् । आगामी चैत्र २५ गते हुने निर्वाचनका लागि प्रगतिशील व्यवसायिक समावेशी राष्ट्रवादी प्यानलबाट विशाल नेम्वाङ, र व्यवसायिक पत्रकारहरुको प्यानलबाट तीर्थ सिग्देल र व्यवसायिक पत्रकारहरुको साझा प्यानलबाट एकराज गिरीको दाबेदार रहेको हो ।
यसैबीच व्यवसायिक पत्रकारहरुको प्यानलबाट अध्यक्ष पदका उम्मेदवार तीर्थ सिग्देलले बिभिन्न योजनाका साथ आफ्नो उम्मेद्वारी रहेको बताएका छन् ।
यस्तो छ उनको प्यानलको योजना ?
हाम्रो उम्मेद्बारी किन ?
१ पत्रकार महासङलाई आत्मनिर्भर र बलियो सामाजिक संस्थाको रुपमा बिकसित गर्न
२ पत्रकारहरुको सुरक्षालाई प्राथमिकता दिन र महासङमा पुरै समय दिन सक्ने नेतृत्व निर्माण गर्न
३ उपचार कोसलाई वृद्धि गर्दै बिरामी परेका पत्रकारलाई तत्काल सहयोग उपलब्ध गराउन
४ जिल्लामा रहेका विभिन्न प्रेस क्लबहरुको आर्थिक स्रोतको खोजीमा स्थानीय तहहरुसग समन्वय गरेर सहयोग जुटाउन पहल गर्न
५ पत्रकारहरुको ब्यावसायिक हित र विभिन्न तालिम प्रधान गर्न
६० अग्रज पत्रकार र युवा पत्रकारहरु बिच अनुभव आदानप्रदानका लागि महासङको कार्यालयलाई मिडिया सेन्टरको रूपमा बिकसित गर्न
७ स्थानीय तहहरुसग समन्वय गरेर स्थानीय मिडियालाई स्थानीय बिज्ञापन अनिबार्य रुपमा उपलब्ध गराउन दवाब दिन ।
८ श्रमजिवि पत्रकारहरुको हित र भौतिक सुरक्षा प्रदान गर्न
