झापाको मेचीनगर-१२ सहरेडाँगीमा अवस्थित पूर्णिमा कीर्तन मण्डलीको १३ औँ वार्षिकोत्सव आइतबार सम्पन्न भएको छ ।
मण्डलीका अध्यक्ष शुष्मा अधिकारीको अध्यक्षतामा भएको कार्यक्रमको प्रमुख अतिथि दुर्गा हनुमान मन्दिर समितिका अध्यक्ष महेन्द्रदेवि आचार्य रहेकी थिइन् ।
उक्त अवसरमा पूर्व अध्यक्ष उमेश खतिवडा, युवा उद्यमी राजन चिमरिया, समाजसेवी रमेश भट्टराई, ज्येष्ठ सदस्य शेरबहादुर खत्री र केवलमाया दाहाललाई सम्मान गरिएको थियो ।
नृत्य तथा भजन समेत प्रस्तुत गरिएको कार्यक्रममा नवप्रवेशी सदस्यहरुलाई स्वागत गरिएको थियो ।
कोषाध्यक्ष सीता अधिकारीले आर्थिक प्रतिवेदन प्रस्तुत गरेको कार्यक्रममा प्रमुख अतिथि आचार्य, सम्मानित व्यक्तित्व उमेश खतिवडा, राजन चिमरिया, रमेश भट्टराई, माधव संस्कृत विद्याश्रमका प्राचार्य पुन्यप्रसाद रिजाल, मण्डलीका संस्थापक उमा खतिवडा लगायतले शुभकामना मन्तव्य राखेका थिए ।
उपाध्यक्ष केशव दाहालले मन्तव्यबाट स्वागत गरेको कार्यक्रमको सञ्चालन सचिव रमेश खतिवडाले गरेका थिए ।
यसैबीच मण्डलीले गंगा अधिकारीको अध्यक्षतामा नयाँ कार्यसमिति पुर्न गठन गरेको छ ।
मण्डलीका पूर्व अध्यक्ष उमेश खतिवडाले घोषणा गरेको कार्यसमितिको उपाध्यक्षमा विद्यानाथ खतिवडा, सचिवमा रमेश खतिवडा, सहसचिवमा अर्चना अधिकारी र कोषाध्यक्षमा पूजा दाहाल सर्वसम्मत चयन भएका छन् ।
त्यसैगरी सदस्यहरुमा अञ्जना अधिकारी, अनुसा बास्कोटा, भगवती प्रसाईं, वेनिका लामिछाने, दुर्गा गिरी र देवी खतिवडा रहेका छन् ।
त्यस्तै मण्डलीको संरक्षकमा शरण दाहाल, शेरबहादुर तिवारी र मनप्रसाद पौडेल तथा सल्लाहकारमा रमेश भट्टराईलाई चयन गरिएको छ ।
वि.सं.२०६९ सालमा पाँच जनाबाट सुरु भएको मण्डलीमा हाल २९ घर परिवार आबद्ध रहेका छन् ।
