रोटरीले बनाइदियो अरनिको माविमा शौचालय

संवाददाता/ सोमबार, चैत २३, २०८२

रोटरी क्लव अफ मेचीनगरले मेचीनगर वडा नं.७ स्थित अरनिको माविमा छात्रामैत्री शौचालय निर्माण गरेको छ ।

सात लाख ५० लाखको लागतमा नवनिर्मित दुईकोठे पक्की शौचालयको आज एक समारोहबीच उद्घाटन गरिएको हो ।

क्लवकी अध्यक्ष शर्मिला पाठकले मेचीनगर-७ र १५ का वडाध्यक्ष क्रमश: प्रह्लादमणि ओली र राजन भट्टराईको समुपस्थितिमा शौचालय भवनको शिलापत्र अनावरण गरेका थिए ।

उक्त भवन निर्माणमा रोटरीका सदस्यहरुले सहयोग जुटाएका थिए । जसमा नबिल बैंक र महालक्ष्मी बैंकले सामाजिक उत्तरदायित्व अन्तर्गत शिक्षा सेवामार्फत आर्थिक सहयोग गरेको क्लवकी अध्यक्ष पाठकले बताइन् ।

वडाध्यक्ष प्रह्लादमणि ओली र विद्यालयका प्रधानध्यापक विशाल भट्टराईले आर्थिक संकटबाट गुज्रिरहेको एउटा ग्रामीण विद्यालयलाई सहयोग पुर्याएको भन्दै रोटरी क्लव र दाताहरुको सराहना गरेका छन् ।