झापाको चारआलीमा अवस्थित श्री पाउ पाथीभरा धाममा आगामी चैत्र ६ गतेदेखि १३ गतेसम्म विष्णु महापुराण आयोजना हुने भएको छ ।
पाउ पाथीभरा उत्तरगंगा प्रवेशद्वार पर्यटन प्रवर्द्धन समितिको आयोजनामा समाजमा धार्मिक सहिष्णुता, मानव उद्धार तथा विश्वशान्तिको कामना हेतुले विष्णु महापुराण आयोजना गरिएको धाम समितिका अध्यक्ष लोकराज ढकालले जानकारी दिए ।
युवा कथावाचक आचार्य लक्ष्मी तिम्सिनाको मुखारविन्दबाट संगीतमय कथा प्रवचन तथा आचार्य पुण्यप्रसाद रिजालबाट पाठ-पारायण हुने धाम समितिका अध्यक्ष ढकालले बताए ।
उक्त अनुष्ठान अवधिभर संगीतमय कथा प्रवचन, पाठ परायण, नित्य हवन, देवि आराधना, रुद्रीपाठ, सामूहिक ब्रतबन्ध-गुन्युचोलि एवम लक्ष्यबर्ती दीपप्रज्ज्वलन आदि कार्य सम्पन्न हुने पुजा व्यवस्थापन उपसमितिका संयोजक एवम धामका वरिष्ठ उपाध्यक्ष यामनाथ बरालले जानकारी दिए ।
उक्त अनुष्ठान गर्न विविध १५ वटा उपसमिती गठन गरि जिम्मेवारी दिइएको र सबै उपसमिति आ-आफ्नो जिम्मेवारीमा तदारुकताका साथमा लागी रहेको धामका सचिव देवी भट्टराईले बताए ।
अनुष्ठान सबै श्रध्दालु भक्तजनहरु समक्ष पुर्याउने हेतुले धामको आफ्नै फेसबुक, टिकटक र युटुब च्यानलबाट सम्पुर्ण अनुष्ठान प्रत्यक्ष प्रसारण गरिने उद्देश्य रहेको साथै प्रचारप्रसारको सम्पुर्ण तयारी अन्तिम चरणमा पुगेको प्रचार समितिका संयोजक तथा धाम समिति सदस्य रेवत दाहालले जानकारी दिए ।
