अपाङ्गमैत्री सेवा स्वरोजगार संस्था मेचीनगरले भवन निर्माण गर्ने उद्देश्यले सुरु भएको पुराणमा दिन प्रतिदिनको भक्तजनको सहभागिता बढ्दै गएको छ ।
गंगा आरती र झाँकीले पुराणमा भक्तजनको सहभागिता अझ बढाएको संस्थाका अध्यक्ष राम बुढाथोकीले बताए ।
मेचीनगर-१० (पुरानो ढाट) स्थित खुला परिसरमा गत फागुन ६ गतेबाट सुरु भएको पुराण आगामी १३ गते समापन हुनेछ ।
संस्थामा आबद्ध ४५ जना फरक क्षमताका सदस्यहरुको हितका लागि भवन निर्माणको योजना अघि सारेको जनाइएको छ । उक्त संस्थाको भवन निर्माणका लागि वडा नं.१४ ले २ कठ्ठा जग्गा समेत दिएको छ ।
पुराणका लागि १२ लाख खर्च हुने र २५ लाख संकलन गर्ने अनुमान गरिएको छ । पुराणमा पुण्यमाता देवी सुमी मानव प्रमुख कथावाचक रहेकी छन् ।
अव्यवस्थित रुपमा सञ्चालनमा रहेको सामुदायिक सेवा केन्द्र लालपानीको एउटा कोठामा उक्त संस्थाको कार्यालय राखिएको छ । सो कोठाबाट पनि संस्थाको कार्यालय हटाउन भनेपछि आफुहरु अन्योलमा परेको अध्यक्ष बुढाथोकीले गुनासो गरेका छन् ।
