झापाको बिर्तामोड-४ स्थित ग्लोरी अङ्ग्रेजी माध्यमिक विद्यालयले विविध कार्यक्रमकाबीच ३१ औँ वार्षिकोत्सव मनाएको छ ।
आज विद्यालयले साँस्कृतिकसहित अन्य विभिन्न कार्यक्रम गरेर वार्षिकोत्सव मनाएको हो ।
विद्यालयका संस्थापक तथा प्रधानध्यापक इन्द्रदेव केरूङको अध्यक्षतामा भएको कार्यक्रममा झापा जिल्ला प्याब्सन अध्यक्ष छत्रबहादुर कार्कीको प्रमुख आतिथ्यता रहेको थियो ।
उक्त अवसरमा प्रमुख अतिथि कार्की, विद्यालय व्यवस्थापन समिति अध्यक्ष गोपाल काफ्ले, झापा जिल्ला प्याब्सन वरिष्ठ उपाध्यक्ष हरीकृष्ण पाठक, बिराट ज्योती अङ्ग्रेजी माविका प्रिन्सिपल गणेश ओली लगायतले शुभकामना मनतव्य राखेका थिए ।
कार्यक्रममा बिर्तामोड-४ का वडाध्यक्ष राहुल शर्मा, बिर्तामोड नगर शिक्षा शाखा अधिकृत जानुका रेग्मी, बिर्तामोड नगर प्याब्सन अध्यक्ष सुरेन्द्र खरेल लगायतको आतिथ्य रहेको थियो ।
विद्यार्थीले स्वागत मन्तव्य, नृत्य, गीत, स्पिच, सामुहिक नाच, नाटक, फेसन सो, एकल गायन लगायतका प्रतिभाहरू प्रस्तुत गरेका थिए ।
सोही कार्यक्रमकाबीच २०८० र २०८१ को एसईईमा उत्कृष्ट अंक ल्याउने विद्यार्थी साइमन बस्नेत, सरु मगर, नविन गौतम, दिपिका अधिकारीलाई नगदसहित सम्मान गरिएको छ ।
यस्तै एमडी अव्पास, अभिलाशा लिङ्देन, शिक्षक दुर्गा अधिकारी, सपना गुरुङलाई र विद्यालय सहयोगी प्रेम न्यौपानेलाई सम्मान गरिएको छ ।
विद्यालय इन्चार्ज ससिलकुमार राईले स्वागत गरेको कार्यक्रमको सञ्चालन शिक्षक पुण्यप्रसाद सुवेदी र विद्यार्थीले गरेका थिए ।
