नेपाल जेसीज वर्ष २०२६ का लागि झापा जिल्लाबाट निर्वाचित तथा मनोनीत पदाधिकारीलाई जेसीज पूर्व अध्यक्ष समाज झापाले बधाई तथा शुभकामना दिएको छ ।
समाजका अध्यक्ष रमेश पोखरेलको सभापतित्वमा भएको कार्यक्रमको प्रमुख अतिथि वीरता जेसीजका संस्थापक अध्यक्ष तथा राष्ट्रिय सभाका सदस्य गोपालकुमार बस्नेत रहेका थिए ।
कार्यक्रममा नवनिर्वाचित कार्यकारीणी उपाध्यक्ष योगेश राजवंशी, उपाध्यक्षद्वय देबु बानियाँ र मिनु ओली तथा मनोनीत कोषाध्यक्ष सुजुप सुवेदीलाई बधाईसहित सफल कार्यकालको शुभकामना व्यक्त गरिएको थियो ।
उक्त अवसरमा प्रमुख अतिथि बस्नेतले झापा जिल्लाका जेसीजहरू एकताबद्ध भएर नेतृत्वदायी भूमिका खेल्नुपर्नेमा जोड दिँदै चारआली जेसीजको आतिथ्यतामा हुने क्षेत्र ‘क’ सम्मेलन र भद्रपुर जेसिजको आतिथ्यतामा हुने ५३औँ राष्ट्रिय महाधिवेशन सफल बनाउन सबै शाखा सक्रिय हुनुपर्ने बताए ।
उपाध्यक्षका उपविजेता खड्ग थापा गौरादह जेसीज, सल्लाहकार कुमारमणि पोखरेल, समाजका संस्थापक अध्यक्ष छविलाल खतिवडा लगायतले नवनिर्वाचित पदाधिकारीलाई बधाई दिँदै कार्यकाल सफल बनाउन सुझाव दिएका थिए ।
कार्यक्रममा नेपाल जेसीजका पूर्व पदाधिकारी भीमबहादुर कुँवर, कुमारसिंह सावा, घनश्याम चौधरी, राजेन्द्र चौलागाईं, वीरता लेडी जेसिजकी संस्थापक अध्यक्ष शारदा रिजाल, विभिन्न शाखाका पूर्व अध्यक्ष, वर्ष २०२५ का शाखा अध्यक्ष तथा समाजका पदाधिकारी र सदस्यहरूको उपस्थिति रहेको थियो ।
उपाध्यक्ष विष्णु रिमालले मन्तव्यबाट स्वागत कार्यक्रमको सञ्चालन सचिव प्रकाश भण्डारीले गरेका थिए ।
