बिर्तामोडमा स्थानीय तहस्तरीय अन्तरविद्यालय १६औँ राष्ट्रपति रनिङ शिल्ड प्रतियोगिता जारी रहेको छ ।
बिर्तामोड नगरपालिकाको आयोजनामा वडा नं.८ स्थित सेन्ट जेभियर्स स्कुलको खेल मैदानमा आइतबारदेखि प्रतियोगिता सुरु भएको हो ।
नगर प्रमुख पवित्रा महतारा प्रसाईँले पानसमा दीप प्रज्वलन गरी रनिङ शिल्ड अनावरण गर्दै प्रतियोगिताको उद्घाटन गरिकी थिइन् ।
नगरपालिकाको शिक्षा शाखाका अनुसार प्रतियोगितामा ३८ विद्यालयका दुई हजारभन्दा बढी विद्यार्थी सहभागी छन् । आजसम्म सञ्चालन हुने प्रतियोगितामा एथलेटिक्स, कबड्डी, भलिबल, उसु, तेक्वान्दो, कराते लगायत विभिन्न खेल विधा समावेश छन् ।
उद्घाटन समारोहमा बोल्दै नगर प्रमुख प्रसाईंले विद्यार्थीहरूको खेलकुद विकासका लागि यस्ता प्रतियोगिता प्रभावकारी हुने बताइन् ।
नेपाल शिक्षक महासंघ बिर्तामोडका अध्यक्ष युवराज कट्टेलले आगामी दिनमा शतप्रतिशत विद्यालयको सहभागिता सुनिश्चित गरिने बताए ।
उक्त कार्यक्रममा नगर उपप्रमुख नगेन्द्र प्रसाद संग्रौला, प्रमुख प्रशासकीय अधिकृत सागर मिश्र, वडा नं.३ का वडाध्यक्ष मदन बुढाथोकी, नगर कार्यपालिका सदस्य तिला गौतम, वरिष्ठ योजना अधिकृत जय तिम्सिनालगायत शिक्षक तथा सरोकारवालाको उपस्थिति रहेक थियो ।
