शिक्षा, विज्ञान तथा प्रविधि मन्त्रालयले वैदेशिक अध्ययन अनुमति शाखा (एनओसी)को गुनासो सुनुवाइ गर्न विद्यार्थी सहायता कक्षको व्यवस्था गरेको छ ।
मन्त्रालयले विद्यार्थीहरूलाई एनओसीको सम्बन्धमा आइपरेका समस्या तथा गुनासोको सुनुवाइ गरी सेवा प्रवाहमा सहजता प्रदान गर्न वैदेशिक अध्ययन अनुमति शाखामा गुनासो सुन्ने तथा विद्यार्थी सहायता कक्षको व्यवस्था गरिएको जनाएको हो ।
मन्त्रालयले विदेशमा अध्ययनका लागि वैदेशिक अध्ययन अनुमति पत्रका लागि अनलाईन आवेदन गर्ने विद्यार्थीहरूलाई यस मन्त्रालयको एनओसी अनलाइन पोर्टलबाट वैदेशिक अध्ययन अनुमति पत्र जारी गर्दै आएको छ ।
‘यसरी विदेशमा उच्च शिक्षा अध्ययनको लागि वैदेशिक अध्ययन अनुमति पत्र लिई विभिन्न देशमा उच्च शिक्षा अध्ययन गर्न जाने र वैदेशिक अध्ययन अनुमति पत्र लिई विदेशमा उच्च शिक्षा अध्ययन गर्न गएका तथा हाल उच्च शिक्षा अध्ययन गरिरहेका विद्यार्थीहरूलाई वैदेशिक अध्ययन अनुमति पत्रको सम्बन्धमा आइपरेका समस्या तथा गुनासोको सुनुवाइ गरी सेवा प्रवाहमा सहजता प्रदान गर्न यस शाखामा गुनासो सुन्ने तथा विद्यार्थी सहायता कक्षको व्यवस्था गरिएको छ,’सूचनामा उल्लेख छ ।
मन्त्रालयका अनुसार शाखाको फोन नं. ०१-६६३५४१९ मा फोन गर्न तथा ईमेल ठेगाना noc@moest.gov.np मा इमेलमार्फत समस्याको समाधान गर्न सकिनेछ ।
