नेपाल निजामती कर्मचारी संगठन बिर्तामोडको अध्यक्षमा तेजेन्द्र तामाङ सर्वसम्मत चयन भएका छन् ।
बिर्तामोड नगरपालिकाको सभा हलमा शुक्रबार आयोजित संगठनको दोश्रो नगर अधिवेशनले तामाङको नेतृत्वमा १३ सदस्यीय नयाँ समिति सर्वसम्मत चयन गरेको हो । तामाङ बिर्तामोड नगरपालिकाको लेखा शाखा प्रमुख हुन् ।
यस्तै संगठनको उपाध्यक्षमा साजन राई, सचिवमा टिका अधिकारी, सह-सचिवमा रुपमान थलङ र कोषाध्यक्षमा हिमा खनाल चयन भएका छन् ।
त्यसैगरी सदस्यहरुमा अनु मोते, राजेन्द्र अधिकारी, सुजित शाह, गणेश तिम्सिना, पदमराज घिमेरे, दिपेश गणेश, जानुका बस्नेत र बद्री ढकाल सर्वसम्मत चयन भएका हुन् ।
नेपाल निजामती कर्मचारी संगठन बिर्तामोडका अध्यक्ष मोहन सुवेदीको अध्यक्षतामा तथा शागत महासंघ नेपालका राष्ट्रिय समिति सदस्य जय तिम्सिनाको प्रमुख आतिथ्यतामा आयोजित कार्यक्रममा नेपाल निजामती कर्मचारी संगठन केन्द्रिय समितिका पूर्व उपाध्यक्ष देवराज कार्की, नेपाल निजामती कर्मचारी संगठन केन्द्रिय सदस्य वशिष्ट अधिकारी, पेशागत महासंघ नेपाल झापाका अध्यक्ष तुलसी भण्डारी, नेपाल निजामती कर्मचारी संगठन केन्द्रिय सदस्य छबि ढकालल गायतको उपस्थिति रहेको थियो ।
