सञ्चारिका समूहको अध्यक्षमा कमला पन्थी निर्वाचित भएकी छन् ।
गएराति भएको चुनावमा निकटतम प्रतिस्पर्धी पवित्रा सुनारलाई हराएर पन्थी अध्यक्षमा निर्वाचित भएकी हुन् । पन्थीले एक सय ४९ मत प्राप्त गर्दा निकटतम प्रतिस्पर्धी सुनारले ८७ मत प्राप्त गरेकी थिइन् ।
त्यस्तै उपाध्यक्षमा एक सय २८ मत प्राप्त गर्दै बसन्ती बास्तोला निर्वाचित हुँदा उनका निकटतम प्रतिस्पर्धा लोग्शरी कुँवरले एक सय मत प्राप्त गरिन भने सञ्चारिका समूहको महासचिवमा राधा खनाल निर्विरोध निर्वाचित भएकी छन् ।
त्यस्तै सचिवमा उर्वसी बस्न्यात एक सय ७ मत ल्याएर विजयी हुँदा उनको निकटतम प्रतिस्पर्धी नुनुता राई ४ मतले पराजित भइन् । राईले एक सय ३ मत पाएकी थिइन् ।
त्यसैगरी कोषाध्यक्षमा साजना तामाङ एक सय २० मत प्राप्त गरेर निर्वाचित हुँदा उनको निकटतम प्रतिस्पर्धी मञ्जिमा ढकालले एक सय ५ मत प्राप्त गरेकी थिइन् ।
सञ्चारिका समूहको ८ जना सदस्यहरुमा अजवी पौड्याल, कल्पना शर्मा, कालिका शिवाकोटी, तारा चापागाई, दीपा रेग्मी, देवी सापकोटा, विष्णु पन्थी र सम्झना वन निर्वाचित भएका छन् ।
