झापाको बुद्धशान्तिमा बोलेरो र अटो ठोक्किदा एक जनाको मृत्यु भएको छ भने तीनजना घाइते भएका छन् ।
आज बिहान १०:४५ बजे बुद्धशान्ति-४ हापेन चोकस्थित मेची राजमार्गमा चारआलीबाट इलामतर्फ जाँदै गरेको प्र.१-०१-००१ ज ३८५१ नं.को बोलेरो गाडी र विपरित दिशाबाट आउँदै गरेको प्र.१-०१-००२ ह ३६३ नम्बरको अटो एक आपसमा ठक्कर खाई दुर्घटना भएको हो ।
दुर्घटनामा अटोमा सवार बुद्धशान्ति-४ बस्ने २१ वर्षीया कृतिका तामाङ, सोही ठाउँ बस्ने २७ वर्षीया अमृता तामाङ, ४१ वर्षीया मन्जु तामाङ र बोलेरो चालक मेचीनगर नगरपालिका-१२ बस्ने ४० वर्षीय दिलकुमार माझी घाइते भएका थिए ।
घाइतेहरुलाई सिटी अस्पताल बुधबारेमा उपचारका लागि लगिएको थियो । त्यहाँबाट थप उपचारको लागि प्रादेशिक अस्पताल भद्रपुर पठाएकोमा अस्पताल पुर्याउना साथ चिकित्सकले अमृतालाई मृत घोषणा गरेको जिल्ला प्रहरी कार्यालयले जनाएको छ ।
दुवै गाडी र अटो चालक बुद्धशान्ति-४ बस्ने ५३ वर्षीय अजय मुक्तान इलाका प्रहरी कार्यालय बुधबारेको नियन्त्रणमा रहेको डीएसपी कृष्णकुमार चन्दले जानकारी दिए ।
