झापाको बिर्तामोड-१ स्थित कनकाई रिपियरिङ ग्यारेजमा बनाउन ल्याएका सवारी साधनमा आगलागी भएको छ ।
निधि बोडिङ स्कुल बिर्तामोडको मे १ ख ३३४५ नम्बरको स्कुल बसमा वोल्डिङ गर्ने क्रममा अचानक बिद्युत सर्ट भई आगो लाग्दा अन्य दुई वटा सवारीमा समेत क्षति भएको थियो । आज बिहान ११:१५ बजेको समयमा बसमा आगलागी भएको हो ।
आगलागीबाट बस पूर्ण रुपमा जलेर नष्ट हुँदा अन्दाजी २० लाख रुपैयाँ बराबरको क्षति भएको थियो ।
यसैगरी सोही ग्यारेजमा बनाउन ल्याएको मे १ ख २२१५ नम्बरको मात्री भाग्य रेखा र नागरीक बसको अगाडीको भाग जलेर क्षति हुँदा अन्दाजी ९० हजार बराबरको र प्र १-०१-००१ ख ४१२६ नम्बरको बसको पेन्टिङको जलेर अन्दाजी ५० हजार रुपैयाँ बराबरको क्षति भएको छ ।
उक्त घटनामा इलाका प्रहरी कार्यालय अनारमनीको प्रहरी टोली, स्थानिय, प्रहरी र बिर्तामोड नगरपालिकाको दमकलको सहयोगमा बिहान ११:५५ बजे आगो पूर्ण रुपमा नियन्त्रणमा आएको प्रहरीले जनाएको छ ।
