झापा गाउँपालिकामा नि:शुल्क आँखा शिविर सम्पन्न भएको छ ।

नेपाल रेडक्रस सोसाइटी कुमरखोद उपशाखाको आयोजना तथा मेची आँखा अस्पतालको प्राविधिक सहयोगमा झापा गाउँपालिका वडा नं.२ झापा बजारमा रहेको आफ्नै सामुदायिक भवनमा बिहीबार एक दिवसीय नि:शुल्क आँखा शिविर आयोजना गरेको हो ।

Advertisement

उक्त शिविरमा १६० महिला र १२४ पुरुष गरी २८४ जनाले आँखा परीक्षण गराएको कुमरखोद उपशाखाका सभापति पशुपतिलाल गणेशले जानकारी दिए ।

शिविरमा आँखाका रोगीहरुको नि:शुल्क चेकजाँच गर्नुका साथै औषधीसमेत वितरण गरिएको थियो । शिविरमा ९५ जनाको आँखामा मोतिया विन्दुको समस्या भेटिएको छ । ती मोतिया विन्दुका बिरामीलाई मेची आँखा अस्पतालले नि:शुल्क शल्यक्रिया गरिदिने कुमरखोद उपशाखाका सचिव प्रदिप गणेशले बताए ।